തൃശൂർ: അപകടകരമായ വിധം കരകവിഞ്ഞൊഴുകുന്ന ഭാരതപ്പുഴയിലേക്കു പാലത്തിനു മുകളില് നിന്ന് എടുത്തു ചാടിയ യുവാവ് അറസ്റ്റില്.
മായന്നൂര് പാലത്തിനു മുകളില് നിന്നു പുഴയിലേക്കു ചാടിയ ചുനങ്ങാട് നമ്പ്രത്തുതൊടി രവിയെയാണ് (46) ഒറ്റപ്പാലം പോലീസ് അറസ്റ്റ് ചെയ്തത്.
മുന്നറിയിപ്പുകള് അവഗണിച്ച് പുഴയില് ചാടിയതിനാണ് പോലീസ് കേസ് എടുത്തത്.
നീന്തലില് വൈദഗ്ധ്യമുള്ളയാളാണു രവിയെന്നാണ് പോലീസ് പറയുന്നത്.
ജലാശയങ്ങളില് രക്ഷാപ്രവര്ത്തനങ്ങള്ക്കായി പോലീസിനും അഗ്നിരക്ഷാസേനയ്ക്കുമൊപ്പം പോകാറുണ്ട്.
ഇന്നലെ വൈകിട്ടു നാലോടെ ഓട്ടോറിക്ഷയില് സുഹൃത്തുക്കള്ക്കൊപ്പം എത്തിയ രവി പാലത്തിന്റെ മധ്യഭാഗത്തുനിന്നു പുഴയിലേക്കു ചാടുകയായിരുന്നു.
കൗതുകത്തിനായിരുന്നു ചാട്ടമെങ്കിലും കൂടെയുണ്ടായിരുന്നവര് പോലും പകച്ചു.
കുത്തൊഴുക്കുള്ള പുഴയില് മായന്നൂര് കടവുവരെ നീന്തി തീരമണഞ്ഞു.
വിവരമറിഞ്ഞു സ്ഥലത്തെത്തിയ പോലീസ് യുവാവിനെ കസ്റ്റഡിയിലെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
